Jilin ölkisining bashliqi wezipisidin istipa berdi


2004-10-31
Share

Xitayning sherqiy shimalidiki jilin ölkisining bashliqi xong xu ölke re'islik wezipisidin istipa berdi. Xitay hökümiti xongxuning ornigha wang mingni muwaqqet ölke re'isi qilip teyinligen.

Amérika birleshme axbarat agéntliqi, xitay metbu'atlirining xongxuning wezipisidin ayrilghandin kéyinki teqdiri toghrisida hichqandaq xewer bermigenlikini tilgha aldi. Xewerlerge qarighanda xongxuning wezipisidin istipa bérishi uning ölke re'isi mezgilidiki jilin shehiride yüz bergen ot apiti bilen munasiwetlik iken.

Bu yil 2 - ayning 15 - küni jilin shehiridiki bir soda sariyida ot apiti yüz bérip, 53 adem ölgen idi. Xongxu weqe munasiwiti bilen 2 - ayning 19 - küni ochuq xet élan qilip, jilin xelqidin kechürüm sorighan. 4 - Ayning 18 - küni jilin sheher bashliqi wezipisidin istipa bergen.

Xizmettiki mes'uliyetsizliktin istipa bérish xitay kompartiyisining siyasiy mediniyet en'enisi boyiche az uchraydighan ehwal dep qaralmaqta. 1990 - Yillarda Uyghur aptonom rayonining qaramay shehiridiki bir kulubqa ot kétip, kulub ichidiki mutleq köp qisim ösmürlerni asas qilghan 300 din artuq kishi köyüp ölgen. Eyni chaghda kulub ichidikiler xitay tarixidiki 9 - dékabir oqughuchilar herikitini xatirilesh munasiwiti bilen sen'et pa'aliyiti ötküziwatatti. Xitay hökümiti weqedin kéyin kulub bashqurghuchilarning bezilirini qolgha alghan. Biraq qaramay shehiri, shinjang néfit bashqurush idarisi, Uyghur aptonom rayonidiki hichqandaq bir rehbiri kadir xelq ammisidin kechürüm sorimighan, wezipisidin istipa bermigen we yaki ularning jawapkarliqi sürüshtürülmigen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet