Xitay memliketlik muhit qoghdash idarisining bashliqi xizmitidin istipa berdi


2005.12.02

Sungxu'ajyang deryasigha zeherlik bénzol éqip kirip kétish weqesi xitayda jiddi talash tartish qozghighan we xitay hökümiti rusiyidin epu sorighandin kéyin, xitay memliketlik muhit qoghdash idarisining bashliqi shyé jinxu'a jüme küni wezipisidin istipa berdi.

Shinxu'a axbarat agéntliqining xewer qilishiche, shyé jinxu'aning ornigha xitay döletlik ormanchiliq idarisining bashliqi jaw shingshyen muwaqqet bashliq bolup teyinlen'gen. Emma shinxu'a axbarat agéntliqi shyé jinxu'aning wezipisidin istipa bérish seweblirini chüshendürmidi. Bu yil 11 - ayning 13 - küni jilin shehiridiki bir néfit - ximiye zawutida partlash weqesi yüz bergendin kéyin, xitay döletlik muhit qoghdash idarisi weqening muhitqa chong tesir körsetmeydighanliqini élan qilghan.

Da'iriler weqeni 10 kün yoshurghandin kéyin, 23 - noyabirda xarbin shehiri boyiche 4 kün su toxtaydighanliqini jakarlighan idi. Bu jeryanda partlash weqesi yüz bergen zawuttin 100 tonna bénzol sungxu'ajyang deryasigha éqip kirgen. Bu rusiyining yiraq sherq rayonigha tesir körsitip, xitay tashqiy ishlar ministiri li jawshing rusiye da'iriliridin epu soridi.

" Jonggo géziti"ning jüme küni xewer qilishiche, xitay döletlik muhit qoghdash idarisining mu'awin bashliqi wang yüyching jilin ölke da'irilirini eyiblep " ziyanni kontrol qilishning yaxshi pursitini ötküziwetti" dep tenqidligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.