Xitay mu'awin bash ministiri xu'ang jü rak késili sewebidin istipa bérishi mumkin

Xongkong metbu'atida xewer qilinishiche, xitayning mu'awin bash ministiri xung jüge yéqinda , rak késilige giriptar bolghanliqi heqqide di'agnoz qoyulghan bolup, u pat arida mushu sewebtin xizmitidin istipa bérishi mumkin iken.

Xongkongda én'glizche chiqidighan " jenubiy junggo seherlik géziti" ning xewer qilishiche, 68 yashqa kirgen xu'ang jü ashqazan asti bézi rakigha giriptar bolghan hemde uning hazirqi ehwali bir qeder xeterlik iken. Emma xitay hökümiti bu xewer heqqide bir néme diyishni ret qildi.

Mu'awin bash ministir xu'ang jü xitayning sabiq dölet re'isi jyang zéminning yéqini bolup, analizchilar, eger bu xewer rast bolsa, u halda xu'ang jüning istipa bérishi xu jintawning hoquq tutushigha téximu paydiliq boludighanliqini bildürmekte.

Xu'ang jü yene xitay siyasiy biyurosining da'imiy hey'et ezasi bolup, u asasliqi maliye-iqtisad ishlirigha mes'ul iken. Xewerde yene, bu yil 1‏-ayning axirliridin bashlap, xu'ang jüning ammiwiy sorunlarda asasiy jehettin körünmigenliki melum qilin'ghan. (Peride)