Хитай даирилири дуңҗу кәнтигә сақчи қисимлирини йөткәп келип пуқраларни агаһландурди


2007-12-26
Share

Хитай даирилири гуаңдуңниң шйәнвей шәһири дуңҗу кәнтигә сақчи қисимларни йөткәп келип, пуқраларни мәзкур кәнттики тирикчилик қилидиған йәр ‏- земинға електир истансиси селиш қурулушиға қарши йәнә исян көтәрмәсликкә агаһландурди.

Бирләшмә ахбарат агентлиқиниң әскәртишичә, даириләр чаршәнбә күни сәһәрдә канайлиқ тәшвиқат машинилирини дуңҗу кәнтигә әвәтип, пуқраларни намайиш қилмаслиққа агаһландурғандин сирт, қораллиқ сақчилар електир истансисиға баридиған пүтүн йолларни қамал қилған шундақла дуңҗу кәнти әтрапида пуқрачә кийингән сақчилар көпийип кәткән.

Бирләшмә ахбарат агентлиқи бир нәпәр мухбирниң дуңҗуда пуқрачә кийингән сақчилар тәрипидин сақчи понкитигә елип берилғанлиқини вә бир саәт сорақ қилинғандин кейин, сақчи машинисида шйәнвей шәһиригә елип берилип дуңҗуға 2 - бармаслиққа агаһландурулғанлиқини билдүрди. Хитай һөкүмити буниңдин бир йил бурун бейҗиң олимпик мусабиқиси мунасивити билән бәлгилимә чиқирип, чәтәллик мухбирларниң һәр қайси өлкә - аптоном районларни халиғанчә зиярәт қилишиға йол қойған болсиму, лекин чәтәллик мухбирлар вә ахбарат әркинликини қоғдиғучи тәшкилатлар хитай даирилирини бу вәдисидә турмиди, дәп әйиблимәктә иди.

Шйәнвей шәһәрлик парткомниң баянатчиси лю җинмав, йәрлик һөкүмәтниң дуңҗуни бихәтәрлик райони, дәп елан қилғанлиқини әскәртип, йеңи ахбарат бәлгилимиси бу районда өтмәйдиғанлиқини билдүргән. Йәрлик пуқралар радиомизға дуңҗуда бирәр миңдәк сақчи көзәткүчилик қиливатқанлиқини илгири сүрмәктә.

Өткән һәптә електир истансиси қурулушиға қарши чиққан йәрлик пуқралар билән сақчилар арисида тоқунуш йүз берип, сақчилар намайишчиларға яш аққузуш бомбиси атқан. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт