Хитай талантлиқ адәмлиридин айрилип қалмақта


2007-02-13
Share

Америка бирләшмә агентлиқиниң сәйшәнбә күни бәргән хәвиридә ейтилишичә, хитай һазир мәмликәт ичидики талантлиқ хадимлар зор дәриҗидә кәмчил болуштәк җиддий мәсилигә дуч кәлмәктә. Хитай һөкүмити мәзкур мәсилиниң бундин кейинки иқтисадий тәрәққиятқа зор тәсир көрситидиғанлиқидин қаттиқ әндишә қилмақта.

Мәзкур хәвәрдә ейтилишичә, 1980 ‏- йилидин буян, чәтәлләрдә оқуватқан хитай оқуғучилири бир милйондин ашқан һәмдә буларниң 3 тин иккиси өз вәтинигә қайтмай, чәтәлләрдә олтурақлишип қалған.

Хитай маарип министирлиқиниң санлиқ мәлуматидин мәлум болушичә, 2002 ‏- йилидин буян, гәрчә йилиға 100 миңдин артуқ оқуғучи чәтәлләргә чиқип оқуватқан болсиму, оқуш пүткәндин кейин қайтип келиватқанлар пәқәт 20 миң әтрапида икән.

Хитай иҗтимаий пәнләр академийисиниң мәсули "дөләт нурғун пул сәрп қилип чәттә оқутқан талантлиқ адәмлиримизниң өз вақтида қайтип кәлмәслики дөләт тәрәққиятиға зор зиян елип кәлмәктә" дәп билдүрди. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт