Xitay amérikidiki ishpiyonluq pa'aliyetlirini kücheytmekte
2005.02.14
Xitay da'iriliri, amérikining ilghar pen- téxnika sahesidiki ishpiyonluq pa'aliyetlirini barghansiri kücheytken.
Amérika dewr dornilining amérika fédéral tekshürüsh idarisining melumatlirini neqil keltürüshiche, xitay puqralirining, amérika kaliforniye shtatidiki ilghar pen - téxnikilarni échish rayonida ishpiyonluq bilen shughullinish diloliri her yili ٪ 30 etrapida köpeymekte.
Xewerdin ashkarilinishiche, ötken yilining axiri xitay neslidin bolghan amérikiliq bir jup er- ayal, 500 ming dollar qimmitidiki kompyutér yumshaq ditallirini xitaygha élip ketmekchi bolghinida qolgha élin'ghan. Bu yumshaq détallar bashqurulidighan bomba sistémisini yaxshilashta ishlitilidiken.
Xewerge qarighanda, fédéral tekshürüsh idarisi nöwette amérika chégrisi ichidiki 3000 din artuq shirketning xitaygha axbarat toplap bériwatqanliqidin gumanlinip, ular üstidin tekshürüsh élip barmaqta. Amérika fédéral tekshürüsh idarisining bir emeldari xitayning herbiy küchini tereqqi qildurup, amérikigha taqabil turush üchün, bu heqtiki axbaratlarni oghrilawatqanliqini we bu yolda nurghun ademlerni ishqa séliwatqanliqini körsetken.
Xewerge qarighanda, amérika fédéral tekshürüsh idarisi xitayning ishpiyonluq pa'aliyetlirini tosush üchün, nöwette nechche yüz xadimlirini her qaysi tetqiqat orunlirigha orunlashturghan we amérika shirketliri , aliy mekteplerning tetqiqat orunliri bilen hemkarlashqan. (Arzu)
Munasiwetlik maqalilar
- Amérika hökümiti xitayning yette shirkitige iqtisadiy jaza yürgüzdi
- Amérika xitayning üch shirkitige jaza berdi
- Amérika dölet mejlisi ezasi hénri hayd xitayni eyiplidi
- Rosiye sot mehkimisi xitaygha ishpiyonluq qilghan ros alimini jazagha höküm qildi
- Teywen da'iriliri üch kishini xitaygha ishpiyonluq qilish jinayiti bilen eyiblep tutti