Xitay saqchiliri sotqa tartiliwatqan bir ayal mehbusning balisini mejburiy alduriwetken

Xitay saqchiliri yéqinda xro'in yötkesh jinayiti bilen tutulghan ma wéyxu'aning qorsiqidiki 50 künlük balisini mejburiy alduriwetken.

Fransiye axbarat agéntliqining " béyjing yashlar géziti" de élan qilin'ghan xewerni neqil keltürishiche, 29 yashliq mawéyxu'a bu yil birinchi ayda gensuning lenju shehiride 1600 gram xro'in yötkigenligi üchün qolgha élin'ghan bolup, lenju saqchi da'iriliri -2ayda bu ayalning qarshi turishigha qarimastin doxturxanida opératsiye toxtamigha özliri qol qoyupla, uning 50 künlük bolghan balisini mejburiy alduriwetken.

Xewerdin melum bolishiche, élip mangghan xro'in miqdarigha asaslan'ghanda bu ayal ölüm jazasigha höküm qilinishi mumkin iken. Xitayda saqchilarning hoquqidin qalaymiqan paydilinip mehbuslarni qiyin-qistaq qilish ehwali bir qeder éghir bolup, ilgiri gu'angdong ölkiside saqchilar bir kishini, salahiyet kinishkisini untup qalghanliqi sewebidinla urup öltürgen idi.(Peride)