Хитай һөкүмити сичүәндә су амбири ясашқа қарши чиққучиларни қаттиқ җазалайдиғанлиқини билдүрди


2004-11-02
Share

Әнгилийә б б с радио телевизийә хәвиригә қариғанда, хитайниң сичүән өлкилик һөкүмәт рәһбәрлири, өткән һәптә "су қурулушиға қарши чиққанларни вә наразилиқ һәрикитини тәшкиллигәнләрни қаттиқ җазалаймиз" дәп тәһдид қилған.

Сичүәнниң хәнюән наһийисидә ясиливатқан попогав су амбири сәвәбидин мәнпәәти зиянға учриған 50миңдин артуқ кишиниң наразилиқ намайиши өткән чаршәнбә күни башланған иди. Җүмә күни намайишчилар билән сақчилар оттурисида йүз бәргән тоқунушта бир адәм уруп өлтүрүлгән.

Хәвәрләрдә көрситилишичә, тоқунуштин кейин он миңлиған киши өлтүрүлгән кишиниң җәситини көтүрүп һөкүмәт бинасиниң алдиға кәлгән. Хитай һөкүмити әйни вақитта намайишчиларни мәзкур мәсилини яхши бир тәрәп қилиш вәдиси арқилиқ қайтурған.

Б б с радио телевизийисиниң бүгүнки хәвиридин ашкарилинишичә, хитай даирилири, "мәзкур су амбири қурулуши давамлаштурулиду, буниңға қарши чиқип қалаймиқанчилиқ туғдурғанлар тутқун қилиниду" дәп агаһландурған.

Хитай хәвәр агентлиқлириниң көрситишичә хитайда бултурдин буян 58 миң қетимдин артуқ наразилиқ намайишлири йүз бәргән болуп бу паалийәтләргә үч милйондин артуқ амма қатнашқан. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт