Xitay hökümiti sichü'ende su ambiri yasashqa qarshi chiqquchilarni qattiq jazalaydighanliqini bildürdi


2004.11.02

En'giliye b b s radi'o téléwiziye xewirige qarighanda, xitayning sichü'en ölkilik hökümet rehberliri, ötken hepte "su qurulushigha qarshi chiqqanlarni we naraziliq herikitini teshkilligenlerni qattiq jazalaymiz" dep tehdid qilghan.

Sichü'enning xenyu'en nahiyiside yasiliwatqan popogaw su ambiri sewebidin menpe'eti ziyan'gha uchrighan 50mingdin artuq kishining naraziliq namayishi ötken charshenbe küni bashlan'ghan idi. Jüme küni namayishchilar bilen saqchilar otturisida yüz bergen toqunushta bir adem urup öltürülgen.

Xewerlerde körsitilishiche, toqunushtin kéyin on minglighan kishi öltürülgen kishining jesitini kötürüp hökümet binasining aldigha kelgen. Xitay hökümiti eyni waqitta namayishchilarni mezkur mesilini yaxshi bir terep qilish wedisi arqiliq qayturghan.

B b s radi'o téléwiziyisining bügünki xewiridin ashkarilinishiche, xitay da'iriliri, "mezkur su ambiri qurulushi dawamlashturulidu, buninggha qarshi chiqip qalaymiqanchiliq tughdurghanlar tutqun qilinidu" dep agahlandurghan.

Xitay xewer agéntliqlirining körsitishiche xitayda bulturdin buyan 58 ming qétimdin artuq naraziliq namayishliri yüz bergen bolup bu pa'aliyetlerge üch milyondin artuq amma qatnashqan. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.