Xitay aliy soti topilangchi ishchilargha bérilgen qamaq jazasini bikar qildi


2005.02.02

Fransiye axbarat agéntliqining xewer qilishiche, xitaydiki bir sotning gwangdongdiki bir karxanida topilang chiqarghan dep qolghan ilin'ghan 10 ishchining qoyup bérilishi toghrisida chiqarghan hökmi, bu xitay ölkisidiki 30 milyon musapir ishchi üchün ümidwarliq peyda qilghan. Lékin, nurghun ishchilar sotning bu hökmi bizning nachar xizmet shara'itimizni özgertelmeydu déyishmekte.

Xewerlerge qarighanda, 31- dikabir küni donggu'en aliy soti 2004 - april éyida teywen karxanchiliri teripidin qurulghan ikki ayaq karxanisida yüz bergen topilanglarni bashlatqan dep eyiplinip , herbiri üch yirim yilliq qamaq jazasigha höküm qilin'ghan 10 ichining jazasini tonglitish qarari alghan.

Xewerde éytilishiche, hemmisi xénen ölkisidin kelgen mezkur ishchilar, karxana bashqurghuchiliri ularning ma'ashlirini waqtida bermigenliki üchün ghezeplen'gen iken .

Mezkur ishchilarning qoyup bérilishi üchün pa'aliyet élip barghan we sotta ularni adwokat bilen teminligen. Xongkongda chiqidighan "xitay ishchilar xewernamisi" ning bildürüshiche, donggu'en aliy sotining bu hökmi, xitay hökümitining xitaydiki ishchilar hoquqini yaxshilashni oylishiwatqanliqining bir bishariti bolushi mumkin iken.

Fransiye axbarat agéntliqining bildürüshiche, aliy sot üch yirim yilliq qamaq jazasigha höküm qilin'ghan 10 ishchining néme üchün jazalirining bikar qilinip , qoyup bérilgenliki heqqide éniq bir néme démigen. Lékin, ishchilarning adwokatliri topilangning tosattin chiqqanliqini ularning topilangni pilanlap chiqarghanliqi toghrisida héchqandaq pakit mewjut emeslikini bildürmekte. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.