Алий сот мәһкимиси: җуңго төвән сәвийилик мәдәниләшкән җәмийәт

• 
  2006-03-13

Хитай даирилири җуңгони 5 миң йиллиқ мәдәнийәткә игә дөләт, дәп қарисиму, лекин хитай алий сот мәһкимиси җуңгода өлүм җазасиниң бикар қилинмаслиқидики сәвәбләрниң бири, бу дөләтниң " төвән сәвийилик мәдәниләшкә җәмийәт болғанлиқидур", дәп көрсәтти.

Шинхуа ахбарат агентлиқиниң хәвәрқилишичә, хитай алий сот мәһкимиси" қанға қан - җанға җан" өч елиш туйғуси 1 милярд 300 милйон җуңго хәлқиниң идийисигә чоңқур сиңип кәткәнликини илгири сүргән.

Хитай алий сот мәһкимисиниң баянатчиси сун хвапиң, җуңго йәнила тәрәққи қиливатқан дөләт. Мәдәнийлишиш сәвийисиниң төвәнликидин кишиләр йәнила қатилниң җинайәт бәдилини өз һаяти билән өтүши керәкликигә ишиниду" дәйду. Лекин у, җуңгода "наһайити аз сандики бир қисим пәвқуладдә еғирҗинайәтләрниң өлүм җазасиға һөкүм қилинидиғанлиқини" билдүргән.

Франсийә ахбарат агентлиқиниң хәвәр қилишичә,хитай алий сот мәһкимисиниң башлиқи шй яң өлүм җазасини бикар қилишни рәт қилған. У, " җуңгониң һазирқи сиясити өлүм җазасини сақлап қелиш, әмма уни еһтият билән ишлитиш " дәйду.

Хитайда өлүм җазасиға һөкүм қилинғанларниң һәқиқий сани дөләт мәхпийәтлики, дәп қаралмақта. Бәзи мәнбәләр, хитай бойичә бир йилда 10 миң кишиниң өлүм җазасиға һөкүм қилинидиғанлиқини пәрәз қилишмақта. Уйғур аптоном райони хитай бойичә сиясий мәһбусларға өлүм җазаси берилидиған бирдин бир район һесаблиниду. Америка ташқий ишлар министирлиқи йеқинда елан қилған доклатида хитайниң бу сияситини тәнқид қилған. (Әркин)