Aliy sot mehkimisi: junggo töwen sewiyilik medenileshken jem'iyet

Xitay da'iriliri junggoni 5 ming yilliq medeniyetke ige dölet, dep qarisimu, lékin xitay aliy sot mehkimisi junggoda ölüm jazasining bikar qilinmasliqidiki seweblerning biri, bu döletning " töwen sewiyilik medenileshke jem'iyet bolghanliqidur", dep körsetti.

Shinxu'a axbarat agéntliqining xewerqilishiche, xitay aliy sot mehkimisi" qan'gha qan - jan'gha jan" öch élish tuyghusi 1 milyard 300 milyon junggo xelqining idiyisige chongqur singip ketkenlikini ilgiri sürgen.

Xitay aliy sot mehkimisining bayanatchisi sun xwaping, junggo yenila tereqqi qiliwatqan dölet. Medeniylishish sewiyisining töwenlikidin kishiler yenila qatilning jinayet bedilini öz hayati bilen ötüshi kéreklikige ishinidu" deydu. Lékin u, junggoda "nahayiti az sandiki bir qisim pewqul'adde éghirjinayetlerning ölüm jazasigha höküm qilinidighanliqini" bildürgen.

Fransiye axbarat agéntliqining xewer qilishiche,xitay aliy sot mehkimisining bashliqi shy yang ölüm jazasini bikar qilishni ret qilghan. U, " junggoning hazirqi siyasiti ölüm jazasini saqlap qélish, emma uni éhtiyat bilen ishlitish " deydu.

Xitayda ölüm jazasigha höküm qilin'ghanlarning heqiqiy sani dölet mexpiyetliki, dep qaralmaqta. Bezi menbeler, xitay boyiche bir yilda 10 ming kishining ölüm jazasigha höküm qilinidighanliqini perez qilishmaqta. Uyghur aptonom rayoni xitay boyiche siyasiy mehbuslargha ölüm jazasi bérilidighan birdin bir rayon hésablinidu. Amérika tashqiy ishlar ministirliqi yéqinda élan qilghan doklatida xitayning bu siyasitini tenqid qilghan. (Erkin)