Җуңго әма кишилик һоқуқ паалийәтчисини 4 йиллиқ қамақ җазасиға мәһкум қилди


2006.08.24

Җуңгониң сәндоң өлкисидики бир сот мәһкимиси пәйшәнбә күни әма кишилик һоқуқ паалийәтчи чен гуаңчиңни 4 йил 3 айлиқ қамақ җазасиға һөкүм қилди.

Хитай мәтбуатлири бу җазани хитайдики башқа кишилик һоқуқ паалийәтчилиригә берилгән агаһландуруш, дәп баһа бәргән. Чен гуаңчең өткән җүмә күни адвукати қатнашмиған әһвал астида сәндоңниң йиннән наһийилик сот мәһкимиси тәрипидин сотланди. У, 2005 - йили сәндоң даирилириниң мәҗбури туғут чәкләш сияситини тәнқид қилип хәлқара җәмийәтниң диққитини қозғиған.

Чен гуаңчиң, бу қетим җамаәт мал - мүлкигә зиян селиш, аммиви тәртипни бузуш җинайити билән әйибләнди. Лекин униң аяли ройтерс ахбарат агентлиқиға бу әйибләшни тоқуп чиқирилған, дәп тәнқидлигән вә сот мәһкимисиниң һөкүмидин чөчүгәнликини билдүргән.

Чен гуаңчиңниң адвукати ли фанпиң, " әдлийә системиси чен гуаңчиңниң дилосиға қанунсизларчә ишлитилди," дәйду. Шинхуа ахбарат агентлиқи чен гуаңчиңниң " лүкчәкләрни тәшкилләп, аммиви қатнашқа тосалғу болғанлиқи"ни. Лекин кишилик һоқуқни көзитиш тәшкилати чаршәнбә күни җуңго даирилирини " чен гуаңчиңға қилинған муамилә җуңгода кишиләрниң қанун алдида баравәр икәнликигә ишинишимизни қийинлаштурмақта," дәп тәнқидлигән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.