Xitay da'iriliri 18 neper yuqiri derijilik herbiy emeldarini jazalidi

Xitay herbiy da'irilirining yuqiri derijilik générallirini öz ichige alghan 11 neper herbiy emeldari bu yil 6 - ayda yüz bergen ayrupilan weqeside mes'uliyiti bar, dep jazalandi.

Bu yil 6- ayning 3 - küni xitay hawa armiyisining bir ayrupilani enxuyda radar we éléktironik razwitka siniqi élip bériwatqanda chüshüp kétip, köpchiliki mutexessislerni asas qilghan ayrupilandiki40 kishining hemmisi ölgen. Weqedin kéyin xitay merkizi herbiy ishlar komitéti mexsus bir tekshürüsh guruppisi qurghan idi.

Shinxu'a axbarat agéntliqining xewer qilishiche, nenjing herbiy rayonining hawa armiye qisimining qomandani jang jyenzing we nenjing herbiy rayoni hawa armiye qisimining siyasiy komisari wang wéylar xatalashti, dep qaralghan we nenjing herbiy rayoni hawa armiye qisimining mu'awin qomandani go chün'gu'angning qatarida derijisi töwenlitilgen. Shuning bilen birge xitayning 7 herbiy emeldari 26 - iyul küni jyangshida yüz bergen herbiy bazini latqa bésiwélish weqeside mes'uliyiti bar, dep qarilip jazalandi. Bu weqede herbiyler we ularning a'ile - tawabatliridin bolup 48 adem ölgen idi. (Erkin)