Xitayda jama'et xewpsizliki eng jiddiy mesile dep qaralmaqta


2006.12.18

Xitay partiye mektipi teripidin hökümet erbabliri arisida élip bérilghan ray sinash netijisige qarighanda, xitay hökümet erbabliri jama'et xewpsizlikini xitayda mewjut eng jiddiy ijtima'iy mesile dep qaraydiken.

Ray sinashqa qarighanda, xitaydiki hökümet erbablirining 6,36 pirsenti jama'et xewpsizlikini 2.23 Pirsenti bolsa xitay puqraliri arisida künséri köpiyiwatqan tapawet perqini eng jiddiy mesile dep qaraydiken. Bundin burun élip bérilghan ray sinashlarda xitay puqraliri otturisida künséri chongiywatqan kirim perqi xitaydiki eng muhim ijtima'iy mesile dep körsitilgen idi.

Bu qétimqi ray sinash netijisige qarighanda, chiriklik xitaydiki eng muhim üchinchi mesile dep körsitilgen. Chirikliktin kéyin, ishsizliq, rayonlar arisidiki tereqqiyat barawersizliki, dawalinish chiqimlirining éghirliqi, oqush pursetliridiki tengsizlik qatarliq mesililer xitaydiki eng muhim ijtima'iy mesililer qatarida körsitilgen.

Siyasiy mulahizichilerning éytishiche, xitay kommunistik partiye rehberlirini terbiyileydighan eng aliy mektep hésablan'ghan, partiye mektipi teripidin élip bérilghan ray sinashta, jama'et xewpsizlikining xitaydiki eng jiddiy ijtima'iy mesile dep körsitilgenliki, xitayning her qaysi ölkiliri, wilayet- sheherliri we nahiye we yézilirida hökümet we hökümet erbablirigha qarshi élip bériliwatqan naraziliq namayishlirining, xitay rehberlirini qanchilik chüchütüwatqanliqining ochuq ipadisi iken. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.