Saqchixanilargha jerimane élish körsetküchi chüshürüsh cheklendi

Xelq'ara kishilik hoquq teshkilatliri teripidin kishilik hoquq xatirisi boyiche izchil tenqidke uchrap kéliwatqan xitay da'iriliri, yéqinda buningdin kéyin saqchixanilargha adem tutush körsetküchi chüshürüp bérishni cheklidi. Xitayda hazirghiche saqchixanilargha adem tutush, jerimane élish körsetküchi chüshürüp bérilmekte idi.

Yéqinda xitay jama'et xewpsizlik ministirliqi bu ehwalni cheklep, saqchixanilargha adem tutush, jerimane qoyush körsetküchi chüshürüp bérishni toxtitishni telep qilghan. Közetküchilerning ilgiri sürüshiche, Uyghur aptonom rayoni adem tutush körsetküchi chüshürüp bérish ehwali eng éghir rayon hésablinidiken. Bolupmu 11 - sintebir weqesidin kéyin xitay da'iriliri aptonom rayon boyiche 3 xil küchlerni " böshükide yoqitish" chaqiriqi chiqarghandin kéyin, saqchixanilar adem tutush körsetküchini ijra qilish boyiche riqabetke chüshken.

Weziyettin xewerdar bezi erbaplar, qeshqer , xoten qatarliq Uyghurlar köp sanliqni igileydighan sezgür rayonlarda beden chiniqturidighan bezi Uyghurlar ni" milliy bölgünchi" , " térorchi" dégen gumanlar bilen qolgha élish weqeliri yüz bergen.

" Tengritagh tori" ning xewer qilishiche, xitay jama'et xewpsizlik ministirliqi " adem tutush, jerimane qoyush we heq élish körsetküchi chüshürüp bérishke hergiz bolmaydighanliqini" eskertish bilen birge, yardemchi xadimlarning qanun ijra qilishigha yol qoyulmaydighanliqini tekitligen.

Közetküchiler, Uyghur aptonom rayonidiki yéza - kent derijilik birleshme amanliq etretlirini xalighanche adem tutush, soraq qilish we jerimane qoyush bilen eyiblimekte idi. (Erkin)