Җияң земин хитай армийисини компартийә вә хо җинтавни қоллашқа чақирди


2004.09.20
Share on WhatsApp
Share on WhatsApp

Хитай мәркизий һәрбий ишлар комитети рәисилики вәзиписидин истепа бәргән җияң земин, дүшәнбә күни хитай қораллиқ қисимлирини компартийиниң рәһбәрликигә вә армийиниң йиңи баш қомандани хоҗинтав ға бойсунушқа чақирди.

Хитай дөләтлик телевизийисиниң билдүрүшичә, җияң земин хитай мәркизий һәрбий комитетиниң кеңәйтилгән йиғинида қилған сөзидә, компартийиниң армийини йетәклиши һаят-маматлиқ мәсилиси икәнликини тәкитлигән. У шундақла хитай армийисиниң тәйвәнни қайтидин хитайға қошивилиш мәсилисидә һәрбий күч ишлитиш принсипидин һечқачан ваз кәчмәслики керәкликини билдүрди.

Ройтерис агентлиқиниң хәвәр қилишичә, җияң земин сөзидә йәнә тарихий вәзипәмни вә тарихий мәсулийитимни толуқ орундап пенсийигә чиққанлиқим үчүн интайин хушал мән дегән. Лекин у йәнә, гәрчә пенсийигә чиққан болсиму, әмма вәқәләрни йеқиндин көзитип туридиғанлиқини, болупму армийә ичидики мәсилсиләргә вә армийиниң тәрәққиятиға диққәт қилип туридиғанлиқини тәкитлигән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.