Jyang zémin xitay merkizi herbiy komitétining re'islik wezipisidin chüshti

Xitayning sabiq dölet re'isi jyang zémin seyshenbe küni xitayning memliketlik xelq qurultiyida merkizi herbiy komitétining re'islik wezipisidin istipa berdi.

Analizchilarning bildürüshiche, bu jyang zéminning xitay siyasiy sehnisidin resmiy chékin'genlikidin dérek béridiken.

Fransiye axbarat agéntliqining xewirige qarighanda, xitay xelq qurultiyi ezaliri seyshenbe küni jyang zéminning istipasini 2853 ke qarshi sekkiz awaz bilen qubul qilghan.

Jyang zémin 1989 - yilidiki tyen'enmin démokratik herikitini qanliq basturghandin kéyin, xitayning re'isi bolup, 15 yil hoquq tutqan idi. Kishlik hoquq pa'aliyetchiliri uning hoquq tutqan mezgilide, puqralarning kishilik hoquqini éghir derijide depsende qilghanliqini bildürgen.

Xewerge qarighanda, jyang zéminning dölet herbiy komitétining re'islik wezipisidin istipa bérishining emeliy ehmiyiti chong emes bolup, u ötken yili séntebirdin kéyin asasen wezipisidin qélip qalghan.

Fransiye axbarat agéntliqining körsitishiche, merkizi herbiy komitétning re'islik wezipisinimu xitayning dölet re'isi xu jintaw öz üstige élishi mumkin iken. (Arzu)