Хоңкоң демократчилири җя чиңлинниң зиярити җәрянида намайиш елип барди
2006.06.28
Хоңкоңдики демократийини яқлиғучи затлар чаршәнбә күни хитайниң сиясий кеңәш рәиси җя чиңлинниң хоңкоң зияритигә қарши наразилиқ намайиши өткүзди.
Франсийә агентлиқиниң мәлум қилишичә, нәччә йүз намайишчи җя чиңлин зияпәткә барған меһманхана алдиға йиғилип, "бир партийилик истибдат һакимийәт ахирлашсун", " һөкүмәт хәлқ қолиға қайтурулсун" дегәнгә охшаш лозонка вә шуарлар билән намайиш қилди.
Намайишқа демократийини яқлайдиған хоңкоң қанун турғузуш комитети әзаси ляң гошйоңму қатнашқан болуп, у " чирикликкә қарши турайли, җя чиңлинниң чирикликигә қарши турайли" дегән шуарларни товлиди.
Җя чиңлин 1- ийол хоңкоңниң хитайға қайтурулғанлиқ хатирә күни һарписида хоңкоңға қилған бу зияритидә бейҗиң һөкүмити тиклигән хоңкоң алаһидә район мәмурий башлиқи сең йиңчүән билән көрүшти һәмдә бейҗиң мәркизий һөкүмитиниң сеңниң хизмитини йеқиндин қоллайдиғанлиқини билдүрди.
Бу намайишқа демократчилардин сирт йәнә, 50 кә йеқин фалунгоңчиларму қатнишип, хитайниң фалунгоңчиларға қаратқан бастурушини әйиблиди. (Пәридә)
Мунасивәтлик мақалилар
- Толуқ мааш алалмиған йүзлигән ялланма ишчи наразилиқ билдүрди
- Җеңҗуда оқуғучиларниң наразилиқ қаршилиқ һәрикити йүз бәрди
- Ху җинтавға қарши намайиш уйғурлар билән тәйвәнликләргә қалди
- Фуҗйәндә 200 гә йеқин киши санаәт булғинишиға қарши наразилиқ билдүрди
- Ху җинтавниң зиярити һарписида америкидики хитайға қарши тәшкилатлар наразилиқ паалийәтлири өткүзүшкә тәйярлиқ көрмәктә