Xongkong démokratchiliri jya chinglinning ziyariti jeryanida namayish élip bardi


2006.06.28

Xongkongdiki démokratiyini yaqlighuchi zatlar charshenbe küni xitayning siyasiy kéngesh re'isi jya chinglinning xongkong ziyaritige qarshi naraziliq namayishi ötküzdi.

Fransiye agéntliqining melum qilishiche, nechche yüz namayishchi jya chinglin ziyapetke barghan méhmanxana aldigha yighilip, "bir partiyilik istibdat hakimiyet axirlashsun", " hökümet xelq qoligha qayturulsun" dégen'ge oxshash lozonka we shu'arlar bilen namayish qildi.

Namayishqa démokratiyini yaqlaydighan xongkong qanun turghuzush komitéti ezasi lyang goshyongmu qatnashqan bolup, u " chiriklikke qarshi turayli, jya chinglinning chiriklikige qarshi turayli" dégen shu'arlarni towlidi.

Jya chinglin 1‏- iyol xongkongning xitaygha qayturulghanliq xatire küni harpisida xongkonggha qilghan bu ziyaritide béyjing hökümiti tikligen xongkong alahide rayon memuriy bashliqi séng yingchüen bilen körüshti hemde béyjing merkiziy hökümitining séngning xizmitini yéqindin qollaydighanliqini bildürdi.

Bu namayishqa démokratchilardin sirt yene, 50 ke yéqin falun'gongchilarmu qatniship, xitayning falun'gongchilargha qaratqan basturushini eyiblidi. (Peride)

© 2006 Radio Free Asia

Munasiwetlik maqalilar

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.