Jilinning mu'awin sheher bashliqi özini öltürüwaldi

Birleshme axbarat agéntliqining peyshenbe küni xewer qilishiche, jilin ölkisidiki jilin shehirining mu'awin sheher bashliqi wang wéyning ölüsh sewebi özini öltürüwélish weqesi, dep élan qilindi.

Jilin shehiridiki bir néfit ximiye zawutida 11 - ayning 13 - küni yüz bergen partlashning sungxu'ajyang deryasida éghir bulghinish peyda qilish weqesini tekshürüsh xizmiti emeldarlarning mes'uliyitini sürüshtürüsh basquchigha kelgen idi.

Chet'el metbu'atlirining xewer qilishiche, jilin shehirining mu'awin sheher bashliqi wang wéyning jesiti seyshenbe küni öyidin tépildi.

Xongkongda chiqidighan " dagongbaw" géziti, wang wéyning özini öltürüwalghanliqini xewer qilghan. "Dagongbaw" ilgiri sürüshiche, wang wéy öyide özini ésip ölüwalghan. Biraq jilin sheherlik hökümet we jama'et xewpsizlik idarisi wang wéyning ölümi toghrisida birleshme axbarat agéntliqigha pikir bayan qilishni ret qildi.

Bu yil 43 yashlardiki wang wéy 11 - ayning 13 - küni jilindiki néfit - ximiye zawutida partlash weqesi yüz bergendin kéyin neq meydanda qutquzush xizmitige riyasetchilik qilghan. U, partlash weqesining muhitqa tesir körsetmeydighanliqini jakarlighan idi. (Erkin)