Лявниңдики кан партлаш вәқәсидә 25 адәм өлди
2005.02.14
Хитайниң лявниң өлкиси фушин шәһиридики бир канда дүшәнбә күни газ партлаш вәқәси йүз берип, аз дегәндә 25 адәм өлди вә 194 адәм кан астида қамилип қалди.
Франсийә ахбарат агентлиқиниң хәвиригә қариғанда, вәқә дүшәнбә күни саәт үчләр әтрапида, 240 метир чоңқурлуқтики кан астида йүз бәргән. Партлашта йәнә 19 адәм яриланған. Хитай даирилири кан астида қамилип қалғанларни қутқузуш паалийәтлири давам қиливатқанлиқини билдүрмәктә.
Хитайдики көмүр канларниң бихәтәрлики интайин начар болуп, адәм өлүш вә ярилиниш әһваллири даим көрүлүп туриду. Хитай һөкүмити гәрчә көмүр канларниң бихәтәрликини яхшилайдиғанлиқини билдүргән болсиму, бирақ хитайниң енергийигә болған еһтияҗиниң ешиши билән канларниң бихәтәрликигә сәл қарилип кәлмәктә.
Хитай һөкүмити өткән йили кан вәқәсидә өлгәнләр саниниң 6000 дин көп икәнликини билдүргән. Әмма франсийә ахбарат агентлиқиниң билдүрүшичә, күзәткүчиләр хитайда көмүр кан вәқәсидә өлгәнләрниң сани 20 миңға йеқинлишидиғанлиқини мөлчәрлимәктә. (Арзу)
Мунасивәтлик мақалилар
- Хитай өлкилиридә көмүргә болған еһтияҗ ашмақта
- Хитайдики бир көмүр канда йәнә партлаш вәқәси йүз бәрди
- Хитайниң шәншидики көмүр кенида йәнә 3 қетим партлаш йүз бәрди
- Шәншидики кан вәқәсидә 140 тин артуқ адәм кан астида қамилип қалди
- Хебийдики кан вәқәсидә өлгәнләрниң сани 57 гә йәтти
- Хебйдики төмүр кан вәқәсидә аз дигәндә 9 адәм өлди
- Хитайниң сичүән өлкисидики кан вәқәсидә аз дигәндә алтә адәм өлди
Көп көрүлгән хәвәрләр
RFA
- Парижда оттуриға чиққан “шинҗаңлиқ” ларниң кимлики ашкариланди
- Җәнвәдики б д т йиғинида хитай вәкиллири йиғин мәйданини ташлап чиқип кәткән
- Җәнвәдики б д т мунбиридә: “уйғур тәшкилатлири вәкиллири уйғур мәҗбурий әмгикигә даир һәрқандақ соалға җаваб беришкә тәйяр! ”
- Тузини йәп, тузлуқини чеқиш: хитай язғучиси ваң меңниң уйғур сөйгүси қанчилик?
- Хитай өзини ақлаш үчүн “б д т 16-нөвәтлик аз санлиқлар мунбири” дә бир нәпәр уйғур аялни сәһнигә чиқарған