Lyawningdiki kan partlash weqeside 25 adem öldi


2005.02.14

Xitayning lyawning ölkisi fushin shehiridiki bir kanda düshenbe küni gaz partlash weqesi yüz bérip, az dégende 25 adem öldi we 194 adem kan astida qamilip qaldi.

Fransiye axbarat agéntliqining xewirige qarighanda, weqe düshenbe küni sa'et üchler etrapida, 240 métir chongqurluqtiki kan astida yüz bergen. Partlashta yene 19 adem yarilan'ghan. Xitay da'iriliri kan astida qamilip qalghanlarni qutquzush pa'aliyetliri dawam qiliwatqanliqini bildürmekte.

Xitaydiki kömür kanlarning bixeterliki intayin nachar bolup, adem ölüsh we yarilinish ehwalliri da'im körülüp turidu. Xitay hökümiti gerche kömür kanlarning bixeterlikini yaxshilaydighanliqini bildürgen bolsimu, biraq xitayning énérgiyige bolghan éhtiyajining éshishi bilen kanlarning bixeterlikige sel qarilip kelmekte.

Xitay hökümiti ötken yili kan weqeside ölgenler sanining 6000 din köp ikenlikini bildürgen. Emma fransiye axbarat agéntliqining bildürüshiche, küzetküchiler xitayda kömür kan weqeside ölgenlerning sani 20 minggha yéqinlishidighanliqini mölcherlimekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.