Xitayning güyju ölkisidiki kömürkanda yüz bergen partlashta 15 ishchi öldi

Xitayning güyju ölkisi chilong nahiyisidiki bir kömürkanda yüz bergen partlash weqeside 15 kömürkan ishchisi öldi we üch ishchi yarilandi.

Shinxu'a agéntliqining xewer qilishiche, yekshenbe küni yüz bergen weqede yette ishchi partlash jeryanida 8 ishchi ölgen bolup, kan astida qalghan 7 ishchini qutquzush pa'aliyetliri netije bermigen. Xewerde éytilishiche, partlashning sewebi üstide tekshürüsh élip bérilmaqta.

Amérika birleshme agéntliqining bildürüshiche, xitaydiki kömürkanlar dunyaning eng xeterlik kömürkanliri bolup, ötken yili xitaydiki kömürkanlarda yüz bergen partlash, öt kétish we su bésish weqeliride 6000 din köp ishchi ölgen.

Xitay hökümiti, bixeterlik ehwali yaxshi bolmighan yüzligen kömürkanlarni taqighanliqini we ishchilarni nachar bixeterlik shara'itida ishletken kömürkan igilirini jazalaydighanliqini bildürmekte. (Qanat)