Xénen kömür kan weqesining mes'ulliri qolgha élindi

Xénenning enshing nahiyisidiki bir shexsiy kömür kanda yüz bergen kan weqesidin kéyin qéchip ketken kan igisi we ikki alaqidar xadim tutuldi.

Ötken jüme küni yüz bergen siguw kömür kanidiki su élip kétish weqeside, 42 ishchi kan astida qamilip qalghan. Amérika birleshme axbarat agéntliqining xewirige qarighanda, weqe yüz bergende 76 ishchi kan astida meshghulat élip bériwatqan bolup, ularning ichide 34 i qéchip chiqalighan. Hazir kan astida qamilip qalghanlarning hayat- mamatliqi téxi melum emes.

Weqe yüz bérish sewebimu téxi éniqlanmighan. Weqe yüz bergendin kéyin, kanning xojayini jin we ikki bashqurghuchisi qéchip ketken. Ular düshenbe küni saqchilar teripidin tutulghan. Buningdin sirt, xéylongjyangning dungfing kömür kénida yüz bergen weqede ölgenlerning sani 170 ge yetken. Xitaydiki kömür kanlar dunya boyiche eng xeterlik kömür kanlar hésablinidu. Hökümet kömür kanlarning bixeterlikini yaxshilash heqqide qayta- qayta wede qilghan bolsimu, emma kömür kan weqeliri künde dégüdek yüz bérip turmaqta. (Arzu)