خىتاي كېلەر يىلىنىڭ ئاخىرىغىچە بارلىق كىچىك تىپتىكى كۆمۈر كانلارنى تاقىماقچى


2006.04.05
Share on WhatsApp
Share on WhatsApp

خىتاينىڭ دۆلەتلىك كۆمۈر كان بىخەتەرلىكىنى تەكشۈرۈش ئىدارىسى چارشەنبە كۈنى خىتاي ھۆكۈمىتىنىڭ كېلەر يىلىنىڭ ئاخىرىغىچە بولغان مەزگىلدە بارلىق كىچىك تىپتىكى كۆمۈر كانلارنى تاقايدىغانلىقىنى بىلدۈردى.

خىتاي كۈندىلىك گېزىتىنىڭ خەۋەر قىلىشىچە، مەزكۇر ئىدارە باشلىقى جاۋ تيېچۈي " كىچىك تىپتىكى كۆمۈر كانلارنى تەرتىپكە سېلىش ناھايىتى مۇھىم ئەھمىيەتكە ئىگە. چۈنكى بۇ يەرلەردە ئاسان ھادىسە يۈز بېرىدۇ. شۇڭا بىز يىللىق كۆمۈر ئىشلەپچىقىرىش مىقدارى 30 مىڭ توننىدىن ئاز بولغان كۆمۈر كانلارنىڭ ھەممىسىنى تاقىماقچى" دېدى.

ئۇنىڭ ئېيتىشىچە، 2005‏- يىلى خىتايدىكى بارلىق كۆمۈر كاننىڭ سانى 25 مىڭ بولغان. بۇنىڭ ئارىسىدا 5000 كۆمۈر كان ئۆلچەمگە توشمىغانلىقى سەۋەبىدىن ئېتىۋېتىلگەن. لېكىن خىتايدىكى كۆمۈر كانلارنىڭ ئارىسىدا كىچىك تىپتىكى كۆمۈر كانلاردىن 18 مىڭى بار ئىكەن.

پۈتۈن دۇنيادىكى كۆمۈر سانائىتىدە خىتاي كۆمۈرلۈكى ئەڭ خەتەرلىك ھېسابلىنىدۇ. ئۆتكەن بىر يىلنىڭ ئىچىدىلا خىتايدا 3000 قېتىمدىن ئوشۇق كۆمۈر كان ھادىسىسى يۈز بېرىپ، 6000 دىن ئوشۇق ئىشچى ئۆلگەن. خىتاي ھۆكۈمىتى شۇ سەۋەبتىن خەلقئارانىڭ ئېغىر بېسىمىغا ئۇچرىماقتا. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت