Хитай өлкилиридә, бир нәччә күн ичидила 85 нәпәр кан ишчиси қаза қилди


2006.11.28

Йеқинқи бир нәччә күндин буян, хитайниң сәнши, хейлуңҗаң, йүннән вә гүйҗу өлкилиридә 4 чоң кан вәқәси йүз бәргән болуп, бүгүнгә қәдәр җәмий 85 нәпәр кан ишчиси өлди. Шинхуа агентлиқиниң бу һәқтә бәргән мәлуматида ейтилишичә, вә қә йүз бәргән бу канларниң һәммиси қанунсиз башқуруливатқан көмүр канлири болуп, уларда һечқандақ ишләпчиқириш кинишкиси яки бихәтәрликкә капаләтлик қилиш кинишкиси болмиған икән. Һәттә буларниң арисидики бәзилири йәрлик һөкүмәт тәрипидин тақиветиш буйруқи чүшүрүлгән канлар болуп һесаблинидикән.

Хитайда йүз бериватқан кан вәқәлири дуня бойичә әң көп болуп һесабланмақта. Мәмликәт ичи вә сиртидики мутәхәссис вә анализчилар "хитайдики кан вәқәсиниң бундақ көп йүз бериши хитайда та һазирғичә системилиқ болған бир көмүр кан назарәт қилиш түзүминиң йоқ болғанлиқидин" дәп көрсәтмәктә. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.