Xitay ölkiliride, bir nechche kün ichidila 85 neper kan ishchisi qaza qildi

Yéqinqi bir nechche kündin buyan, xitayning senshi, xéylungjang, yünnen we güyju ölkiliride 4 chong kan weqesi yüz bergen bolup, bügün'ge qeder jem'iy 85 neper kan ishchisi öldi. Shinxu'a agéntliqining bu heqte bergen melumatida éytilishiche, we qe yüz bergen bu kanlarning hemmisi qanunsiz bashquruliwatqan kömür kanliri bolup, ularda héchqandaq ishlepchiqirish kinishkisi yaki bixeterlikke kapaletlik qilish kinishkisi bolmighan iken. Hette bularning arisidiki beziliri yerlik hökümet teripidin taqiwétish buyruqi chüshürülgen kanlar bolup hésablinidiken.

Xitayda yüz bériwatqan kan weqeliri dunya boyiche eng köp bolup hésablanmaqta. Memliket ichi we sirtidiki mutexessis we analizchilar "xitaydiki kan weqesining bundaq köp yüz bérishi xitayda ta hazirghiche sistémiliq bolghan bir kömür kan nazaret qilish tüzümining yoq bolghanliqidin" dep körsetmekte. (Méhriban)