Xénendiki bir kömür kanda ölgen kan ishchilirining sani az melum qilin'ghan

Xitay da'iriliri, kömür kan bixeterlikini ashurup, ölümning aldini élish tedbirlirini kücheytish heqqide jiddi chaqiriq élip bériwatqan bir peytte, xénendiki shi'en kömür kan mes'ullirining saxtiliq qilmishi ashkarlandi.

Xitay dölet bixeter ishlepchiqirishni közitish idarisi, 11 ‏- féwral küni bayanat élan qilip, 2 ‏- féwral küni yüz bergen kan weqeside emiliyette 24 ademning ölgenlikini élan qildi.

Xénen shi'en kömür kanining mes'ulliri, 2 ‏- féwral küni yüz bergen hadiside aran 7 ademning ölgenliki xewer qilghan bolup, eslide hadiside 24adem ölgen iken, biraq kömür kan mes'ulliri 17 ademning ölimini qesten yoshurup, "peqet 7adem öldi" dep xewer bergen.

Biraq shinxu'a agéntliqining muxbiri ziyaret qilish dawamida, kan mes'ullirining yalghanchiliq qiliwatqanliqini sézip, weqeni munasiwetlik orunlargha melum qilghan.

Saqchi da'irilirining tekshürüshi netijiside saxtiliq qilghan kan igisi we kömür ishlepchiqirish bölimining bashliqi shuningdek bashqa bir qanche bölümning mes'ulliridin 5 kishi qolgha élin'ghan.

Küzetküchilerning bildürishiche, xitayda kömür kan bixeterlik eslihelirining nacharliqi töpeyli, kan ishchilirining bihude ölümliri meydan'gha kelgendin sirt, kan mes'ullirining saxtiliq qilishi netijisde kan ishchilirining jesetliri yoqap kétishtek ehwallar intayin köp yüz béridiken. (Eqide)