Хитайда бир һәптә ичидә 104 нәпәр кан ишчиси қазаға йолуқти


2006.11.14

Әркин асия радиомизниң игилигән хәвиридин мәлум болушичә, 11 ‏- айниң 5 ‏- күнидин 12 ‏- күнигә қәдәр хитайда җәмий 4 қетим кан вәқәси йүз бәргән болуп, өлгән вә из дерәксиз йоқап кәткәнләр сани 104 кә йәткән.

Хәвәрләрдә көрситилишичә, 11 ‏- айниң 12 ‏- күни шәншидә йүз бәргән кан вәқәсидә 25 адәм һаятидин айрилған болуп 9 адәм из - дерәксиз йоқап кәткән. Шундақла 11 ‏- айниң 5 , 7 вә 8 ‏- күнлири хунән вә сәнши қатарлиқ җайларда арқа - арқидин йүз бәргән кан вәқәлиридин кейин, мәзкур канларниң башлиқлири қечип кәткән.

Франсийә агентлиқиниң бу һәқтә бәргән хәвиридә, хитайдики нурғунлиған көмүр канларниң лаяқәтлик кинишкиси йоқ икәнлики һәмдә мудапиәлиниш әсваблириму интайин кәм икәнлики тәкитлинип "хитайдики көмүр канлар дуня бойичә әң хәтәрлик көмүр кан болуп һесаблиниду" дәп баһа берилгән. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.