Xitayda bir hepte ichide 104 neper kan ishchisi qazagha yoluqti
2006.11.14
Erkin asiya radi'omizning igiligen xewiridin melum bolushiche, 11 - ayning 5 - künidin 12 - künige qeder xitayda jem'iy 4 qétim kan weqesi yüz bergen bolup, ölgen we iz déreksiz yoqap ketkenler sani 104 ke yetken.
Xewerlerde körsitilishiche, 11 - ayning 12 - küni shenshide yüz bergen kan weqeside 25 adem hayatidin ayrilghan bolup 9 adem iz - déreksiz yoqap ketken. Shundaqla 11 - ayning 5 , 7 we 8 - künliri xunen we senshi qatarliq jaylarda arqa - arqidin yüz bergen kan weqeliridin kéyin, mezkur kanlarning bashliqliri qéchip ketken.
Fransiye agéntliqining bu heqte bergen xewiride, xitaydiki nurghunlighan kömür kanlarning layaqetlik kinishkisi yoq ikenliki hemde mudapi'elinish eswablirimu intayin kem ikenliki tekitlinip "xitaydiki kömür kanlar dunya boyiche eng xeterlik kömür kan bolup hésablinidu" dep baha bérilgen. (Méhriban)
Munasiwetlik maqalilar
- Xitay kéler yilining axirighiche barliq kichik tiptiki kömür kanlarni taqimaqchi
- Xénendiki kan weqeside 15 kishi qaza qildi
- Xitayda 2005 - yili néfit we kömür kan weqeliride ölgenler shiddet bilen köpeydi
- Xitay kömür kan weqelirining aldini élish üchün yene tedbirlerni élan qildi
- Xitay kömür kanlargha bolghan kontrolluqni kücheymekchi