Кандилиза райис хитайдики сиясий өктичиләрни қоюп беришни алаһидә тәкитлиди

2008-02-28
Елхәт
Пикир
Share
Принт

Бейҗиң олимпик тәнһәрикәт йиғини һарписида, һәр қайси дөләтләр кишилик һоқуқ вәзийитини яхшилаш тоғрисида хитай һөкүмитигә қаратқан бесимини күчәйтмәктә.

Америка ташқи ишлар минстири кандилиза райс чаршәнбә күни бәргән баянатида, бейҗиңда хитай ташқи ишлар минстири яң җечи билән елип барған учришишлири җәрянида, кишилик һоқуқниң хитайдики вәзийити вә түрмидә йетиватқан сиясий өктичиләрни қоюп бериш қатарлиқ мәсилиләрни муһим тема сүпитидә оттуриға қойғанлиқини билдүрди.

Райс сәйшәнбә күни бейҗиңда хитай ташқи ишлар минстири билән бирликтә өткүзгән мухбирларни күтүвелиш йиғинда, " мән минстирға кишилик һоқуқ вә диний әркинликниң хитайдики вәзийити һәққидики қайғу вә әндишилиримизниң давам қиливатқанлиқини тәкитлидим" дегән иди.

Бу арида, хитайда зиярәттә болуватқан әнгилийә ташқи ишлар минстири девид милибанд пәйшәнбә күни бейҗиңда бәргән баянатида, хитай рәһбәрлири билән елип барған сөһбәтлиридә кишилик һоқуқ мәсилисиниң муһим теимини тәшкил қилғанлиқини тәкитлиди.

Милибанд, хитай ташқи ишлар минстири яң җечи билән учришишидин кейин, униң билән бирликтә өткүзгән мухбирларни күтүвелиш йиғинида бәргән баянатида, "бу қетим зияритим җәрянида шуниңдәк бүгүн әтигән ташқи ишлар минстири яң җечи билән елип барған сөһбитимиздә давамлиқ кишилик һоқуқ мәсилсини муһим мәсилә сүпитидә оттуриға қойдум" деди. (Әқидә)

Пикирләр (0)
Share
Толуқ бәт