Хитай һөкүмити сәккиз католикни қолға алди

Мәркизи америкидики, хитайдики диний әркинликни көзитиш тәшкилатиниң хәвәр қилишичә, хитай сақчилири -6 авғуст күни хебей өлкисидики суҗайҗоң йезисида бир йәр асти католик черкавиға әза сәккиз кишини қолға алған.

Хәвәрдә ейтилишичә, хитай сақчилири тәрипидин қолға елинған мәзкур сәккиз кишиниң һәммиси бавдиң шәһәрлик түрмидә тутуп турулмақта.

Хитай һөкүмити -1951 йили ватикан билән мунасивитини үзүп, католиклар ниң диний даһийси рим паписини етирап қилмайдиғанлиғини билдүргән. Һәмдә хитайдики католик мәзһипидики христианларниң һөкүмәтниң контроллиқидики черкавларда ибадәт қилишини тәләп қилған иди.

Лекин, америка бирләшмә агентлиқиниң хәвәр қилишичә, хитайдики нурғун католиклар һелиму рим паписини өзлириниң диний даһийси дәп қарап, хитай һөкүмити тәрипидин қолға елинип кетиш хәвпигә қаримай, хитай һөкүмитиниң контроли сиртидики черкавларда вә яки өйләрдә ибадәт қилиду.

Хитай һөкүмитиниң рәсми истатистикилириға қариғанда, хитайдики католиклар сани 4 милйондин ашмайду, әмма мәркизи америкиниң стандфорд шәһиридики "кардинал коң фонди" ниң билдүрүшичә, хитайдики католиклар ниң сани 12 милйондин ашидикән. (Қанат)