Хитайниң ғәрбий җәнубидики кәлкүн апитидә аз дегәндә 170 киши қаза қилди

Хитайниң сичуән өлкисидә нәччә күндин буян уда яғқан қаттиқ ямғур сәвәбидин, кәлкүн апити йүз берип аз дегәндә 170 киши қаза қилди вә 60 нәччә кишиниң из дерики тепилмиди.

Америка бирләшмә ахбарат агентлиқиниң хәвәр қилишичә, кәлкүн сәвәбидин яриланған вә ағрип қалған кишиләрниң сани 10 миңға йәткән. Шундақла сичуән өлкиси һазир дора боюмлар, йимәклик вә ичимлик сүға җиддий еһтияҗлиқ болмақта.

Кәлкүн апитиниң тәсиригә әң көп учриған сичуән өлкисиниң чуңчиң шәһиридила 97 киши қаза қилған вә 39 киши йоқап кәткән. Һәтта бәзи җайларда кәлкүндин топланған сулар 4 қәвәтлик бинани қаплап кәткән.

Хитай күндилик гезитиниң хәвиригә қариғанда, хитай һөкүмити кәлкүн апити сәвәбидин һазирғичә 450 миң кишини тарқақлаштурған болуп кәлкүн районида 127 миңдин көп өй вәйран болған. Буниңдин сирт һазир йәнә, чаңҗияң сәншия тосмисиниң су йүзи пәхәс болуш сизиқидинму ешип кәткән. (Пәридә)