Xéylongjyangdiki kelkünde ölgenlerning sani 91 gha yetti


2005.06.12

Xéylongjyang ölkisining ning'en shehiri shalen yézisida yüz bergen kelkün apitining zerbisige uchrap ölgenlerning sani 91 ge yetti.

Amérika birleshme axbarat agéntliqining xewirige qarighanda, ölgenlerning 87 si bir bashlan'ghuch mektepning oqughuchi, 4 i yéza ahalisi iken. Buningdin sirt, yigirme nechche adem apette éghir yarilinip, doxturxanida jiddiy qutquzulmaqta.

Jüme küni chüshtin kiyin, shalen yézisida qattiq yamghur yéghip, kelkün we qum - shéghillarning éqish apiti yüz bergen idi. Apet yüz bergende, yéziliq bashlan'ghuch mekteptiki 400 ge yéqin oqutquchi we oqughuchi mektepte qamilip qalghan bolup, hazirghiche 87 sining ölgenliki iniqlan'ghandin sirt, qanchisining yoqalghanliqi téxi éniq emes iken.

Xitay hökümet da'iriliri apettin qutquzush ishlirining jiddiy dawam qiliwatqanliqini bildürmekte.

Amérika birleshme axbarat agéntliqining xewiride éytilishiche, shalen yézisida kelkün apiti yüz bérip bir kündin kéyin, apette ölgenler heqqidiki melumatlar asta- asta ashkarilinishqa bashlighan. Deslepki melumatlarda peqet 27 kishining ölgenliki élan qilin'ghan. Xitay hökümet da'iriliri shenbe we yekshenbe künliri andin ölgenler sanining yenimu köplükini melum qilghan. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.