Kerimof xitaydiki ziyaritini bashlidi

Özbékistan prézidénti islam kerimof charshenbe küni xitaydiki ziyaritini resmiy bashlidi. Bu, kerimofning ikki heptining aldida enjandiki ammiwi heriketlerni basturghandin kéyinki tunji chet'el ziyariti bolup hésablinidu.

Kerimof xitaydiki ziyariti dawamida, xitay dölet re'isi xu jintaw bilen körüshüp, ikki terepning her sahediki hemkarliq munasiwetliri we rayonning bixeterliki mesililirini öz ichige alghan bir qatar rayon xaraktérlik we xelq'ara mesililer boyiche söhbet ötküzgen.

Amérika birleshme agéntliqining xewirige qarighanda, kerimofning xitaydiki ziyariti enjan weqeside xitayning qollishigha érishishni meqset qilishtin sirt, iqtisadiy hemkarliqmu uning bu qétimliq sepirining yene bir muddi'asi bolghan. Shundaqla u yene xitay da'iriliri bilen 600 milyon dollarliq énérgiye sodisi imzalighan.

Xitay, kerimofning enjan ammisini basturush herikitini qollighan nahayiti az sandiki döletlerning biri bolup, xitay tashqi ishlar ministirliqi seyshenbe künidiki muxbirlarni kütiwélish yighinida, "biz, özbékistan hökümitining bölgünchilik, térrorchiliq we diniy radikal qatarliq 3 xil küchke zerbe bérishini qet'iy qollaymiz" dégen. (Peride)