خىتايدىكى چۇما ۋە سارس كېسىلى تەھدىتى


2004-10-27
Share

خىتاينىڭ چىڭخەي ئۆلكىسىدە تارالغان يۇقۇملۇق چۇما كېسىلى سەۋەبىدىن ھازىرغىچە 8 كىشى قازا تاپتى. خىتاي ھۆكۈمەت دائىرىلىرى نۆۋەتتە بۇ كېسەلنى پۈتۈنلەي كونترول قىلىۋالغانلىقىنى ئىلگىرى سۈرمەكتە.

فرانسىيە ئاخبارات ئاگېنتلىقىنىڭ چارشەنبە كۈنى خەۋەر قىلىشىچە، چىڭخەيدە جەمئىي 19 كىشىنىڭ يۇقۇملۇق چۇما كېسىلىگە گىرىپتار بولغانلىقى بايقالغان بولۇپ، ئۇلارنىڭ ئارىسىدا 11 كىشى قۇتقۇزىۋېلىنغان.

بۇ كېسەلنى يۇقتۇرىۋالغانلار ئاساسلىقى چىڭخەينىڭ شىلىگوۋ دېگەن جايىدىكى دېھقان ۋە چارۋىچىلار بولۇپ، ئۇلار سۇغۇر گۆشىنى يىگەن ياكى ئۇنى ئۆلتۈرگەنلىكى سەۋەبىدىن بۇ كېسەلنى يۇقتۇرىۋالغان ئىكەن.

خىتاي يېقىنقى بىر نەچچە يىللاردىن بۇيان يۇقۇملۇق كېسەللەرنىڭ تەھدىتىگە بىر قەدەر ئېغىر ئۇچراپ كەلگەن بولۇپ، خىتاي سەھىيە مىنىستىرى چارشەنبە كۈنى خىتايدىكى ھەرقايسى سەھىيە مەمۇرىي ئورگانلىرىنىڭ بۇ يىل قىشتا سارس كېسىلىنىڭ ئالدىنى ئېلىش تەييارلىقلىرىنى پۇختا ئېلىپ بېرىشىنى تەلەپ قىلدى.

2002- يىلى 11- ئايدا باشلانغان سارس دەپ نام بېرىلگەن غەيرى تىپتىكى يۇقۇملۇق ئۆپكە ياللۇغى كېسىلى خىتايدا 300 نەچچە كىشىنىڭ ئۆلىشىنى كەلتۈرۈپ چىقارغان ئىدى. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت