Xitaydiki chuma we sars késili tehditi


2004-10-27
Share

Xitayning chingxey ölkiside taralghan yuqumluq chuma késili sewebidin hazirghiche 8 kishi qaza tapti. Xitay hökümet da'iriliri nöwette bu késelni pütünley kontrol qiliwalghanliqini ilgiri sürmekte.

Fransiye axbarat agéntliqining charshenbe küni xewer qilishiche, chingxeyde jem'iy 19 kishining yuqumluq chuma késilige giriptar bolghanliqi bayqalghan bolup, ularning arisida 11 kishi qutquziwélin'ghan.

Bu késelni yuqturiwalghanlar asasliqi chingxeyning shiligow dégen jayidiki déhqan we charwichilar bolup, ular sughur göshini yigen yaki uni öltürgenliki sewebidin bu késelni yuqturiwalghan iken.

Xitay yéqinqi bir nechche yillardin buyan yuqumluq késellerning tehditige bir qeder éghir uchrap kelgen bolup, xitay sehiye ministiri charshenbe küni xitaydiki herqaysi sehiye memuriy organlirining bu yil qishta sars késilining aldini élish teyyarliqlirini puxta élip bérishini telep qildi.

2002- Yili 11- ayda bashlan'ghan sars dep nam bérilgen gheyri tiptiki yuqumluq öpke yallughi késili xitayda 300 nechche kishining ölishini keltürüp chiqarghan idi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet