Xitayda ménin'git késili sewebidin besh kishi öldi

Xitayning sherqiy qismidiki ölkilerde ménin'git késili tarqilip, bu ayning ichidila besh adem öldi.

Xitay hökümet metbu'atlirining xewirige qarighanda, enxüy ölkisining xéwiy, yü'enxu qatarliq 11 sheher we rayonlarda ménin'git késili tarqalghan. Buningdin sirt, jyangsuning nenjing shehiridimu ménin'git késilige giriptar bolghan bimarlar bayqalghan.

Xitay sehiye da'irilirining bildürüshiche, mezkur késelge giriptar bolghanlarning köp qismi 13 - yashtin 18 yashqiche bolghan yash - ösmürler iken.

Xitay hökümitining bildürüshiche, yéqinqi bir aydin buyan, enxüy ölkisidila ménin'git késili bilen aghrighan bimardin 61 i bayqalghan bolup, ularning köp qismi pütünley saqayghan. Emma yene yette bimar dawaliniwatqan iken.

Ménin'git késili, ménge perdisining yallughlinish xaraktéridiki késellik. Xitayning sherqiy rayonlirida tarqiliwatqan ménin'git késili asasliqi baktériye teripidin qozghitilghan bolup, asan yuqumlinidiken we kontrol qilmaq nisbeten tes iken.

Xitay sehiye da'iriliri, dölettiki barliq ottura- bashlan'ghuch mekteplerdin oqughuchilarda qizitma, qattiq bash aghrish, qusush we boyun qétip qélish qatarliq alametlerning körülgen- körülmigenlikige qattiq diqqet qilishni telep qilmaqta. (Arzu)