Sichüende sewebi éniq bolmighan késel bilen ölgen adem sani 17 ge yetti

Sichüen ölkisi, ziyang shehiride sewebi éniq bolmighan bir xil késellik tarqilip, ölgen adem sani 17 ge yetkendin sirt yene, 12 ademning ehwali intayin éghir iken.

Shinxu'a agéntliqining 24 - iyul künidiki xewirige qarighanda, sewebi éniqlanmighan bu xil jiddiy xaraktirlik késelge giriptar bolghan adem sani 58 ge yétip, dawalash netijiside 27 adem xeterdin qutulghan.

Xewerde éytilishiche, bu xil késelning alametliri, maghdursizliq, köngli aynish, qusush, tére astida qan uyup qélish we peylerning tartiship qélish qatarliq tereplerde körülidiken. Bu xil késelge giriptar bolghan bimarlarning hemmisi déhqanlar iken.

Xongkongda chiqidighan "nenxu'a etigenlik géziti" ning xewiride körsitilishiche, xitaydiki sehiye xadimlirining deslepki tekshürüsh netijisidin qarighanda, késelge giriptar bolghuchilar ilgiri késel we qoy bilen choshqilarni béqish shuningdek ölgen choshqa qoylarni bir terep qilish ishlirini élip barghan déhqanlar iken. (Eqide)