Xitayda otturigha chiqqan sirliq késellikte ölgen'genlar sani 24 ge yetti

Seyshenbe küni xitay sehiye ministirliqi bayanat élan qilip, xitayda 24 kishining ölümige seweb bolghan sirliq késellikning choshqilar arisida tarqalghan bir xil baktiriyedin kélip chiqqanliqini jakarlidi. Bayanatta éytilishiche, késellik ademlerdin ademlerge yuqmaydiken.

Fransiye agéntliqining béyjingdin xewer qilishiche, mezkur késellik nahayiti xeterlik bolup, hazirghiche sichwen ölkiside bu késellik bilen yuqumlan'ghan 76 kishining 24 i qaza qilghan.

Xitay kündilik gézitining xewer qilishiche, mezkur késellik bilen yuqumlan'ghan yene 21 kishining ehwali éghir iken. Xitay sehiye ministirliqining bayanatida éytilishiche, qizitma, bash qéyish we qusush mezkur késellikning eng muhim bisharetliri bolup hésablinidiken. Xewerlerge qarighanda, bu késellik xitayning ziyang we nijiyang sheherliri etrapidiki 75 yézida tarqalghan.

Amérika birleshme agéntliqining xewer qilishiche, mezkur késellik bilen yuqumlan'ghanlar arisidiki ölüm nisbitining nahayiti yuqiri bolushi, kishilerni qattiq qayghulandurghan. Bezi kishiler, xitayning jenubiy rayonida sars we qush zukimining qaytidin bash kötergen bolushi mumkinliqidin endishe qilghan.

Dunya sehiye teshkilatining bayanatchisi bob dyitsz, filipinning paytexti manilada bergen bayanatida, dunya sehiye teshkilatining xitayda otturigha chiqqan bu yéngi késellikni nahayiti jiddiy qarap, weziyetni yéqindin közitiwatqanliqini bildürdi. (Qanat)