Dunya sehiye teshkilati tongguz késilining yamrap kétishidin endishe qilmaqta


2005.07.27
Share on WhatsApp
Share on WhatsApp

Xitayning sichu'en ölkiside taralghan sirliq tongguz késilide ölgen we yuqumlan'ghuchilarning sani charshenbe küni dawamliq éship, ölgenlerning sani 27 ge, yuqumlan'ghuchilar bolsa 117 ge yetken. Shundaqla hazir bularning arisida yene 21 bimarning ehwali xeterlik basquchta iken.

Dunya sehiye teshkilati hazir, bu rayonda shunche köp kishining birla waqitta bu késelni yuqturiwélishi we ölüsh nisbitining bundaq yuqiri bolishigha heyran qalmaqta hemde buning yene dawamliq yamrap kétishige qarita endishisini ipadilimekte.

Dunya sehiye teshkilatining bayanatchisi charshenbe küni gerche, ilgiri tongguz késili bir-ikki kishide körülgen bolsimu, emma birla waqitta bundaq köp ademning bu késel wirusi bilen yuqumlinish ehwalining körülüp baqmighanliqini bildürdi.

Dunyada az uchraydighan bu xil késel deslep 1968 -yili daniyede bayqalghan bolup, shuningdin tartip hazirghiche pütün dunyada bundaq késel kishidin 200 i körülgen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.