Хитай деһқанлири сирлиқ кесәллик билән юқумланған чошқиларни йемәктә


2005-07-28
Share

Шинхуа агентлиқиниң хәвәр қилишичә, хитай сәһийә министирлиқи, хитайниң сичуән өлкисидә оттуриға чиққан чошқилардин тарқалғанлиқи енқланған сирлиқ кесәлликкә қарши ваксининиң, бир һәптә ичидә мәзкур кесәллик оттуриға чиққан районға әвәтилидиғанлиқини билдүргән.

Әмма франсийә агентлиқиниң билдүрүшичә, сичуән өлкисиниң тағлиқ районлиридики йезилардики кәмбәғәл деһқанлар мәзкур сирлиқ кесәллик билән юқумланған чошқиларни өлтүрүп көмүветиш орниға, уларни союп уруқ - туғқан вә қошнилири билән бирликтә гөшини йемәктә икән.

Хәвәрдә ейтилишичә, райондики деһқанлар наһайити кәмбиғәл болғачқа, бир чошқини өлтүрүп көмүвитиш улар үчүн наһайити чоң иқтисадий зиян һисаблиндикән.

Зияң шәһриниң йезисида яшайдиған җаң исимлик бир деһқан франисйә агентлиқиниң мухбириға, әгәр кисәл бир чошқини йемәй көмүвәтсәк, бу биз үчүн наһайити еғир иқтисадий зиян һисаблиниду, дегән.

150 Кело еғирлиқидики бир чошқини беқиш үчүн, йилда 1000 йүән пул керәк икән. Сичуәндики деһқанларниң иқтисадий вәзийити начар болғанлиқи үчүн, чошқиларни йәм болмиғачқа, ешип қалған тамақларни берип бақидикән. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт