Xitay déhqanliri sirliq késellik bilen yuqumlan'ghan choshqilarni yémekte

Shinxu'a agéntliqining xewer qilishiche, xitay sehiye ministirliqi, xitayning sichu'en ölkiside otturigha chiqqan choshqilardin tarqalghanliqi énqlan'ghan sirliq késellikke qarshi waksinining, bir hepte ichide mezkur késellik otturigha chiqqan rayon'gha ewetilidighanliqini bildürgen.

Emma fransiye agéntliqining bildürüshiche, sichu'en ölkisining taghliq rayonliridiki yézilardiki kembeghel déhqanlar mezkur sirliq késellik bilen yuqumlan'ghan choshqilarni öltürüp kömüwétish ornigha, ularni soyup uruq - tughqan we qoshniliri bilen birlikte göshini yémekte iken.

Xewerde éytilishiche, rayondiki déhqanlar nahayiti kembighel bolghachqa, bir choshqini öltürüp kömüwitish ular üchün nahayiti chong iqtisadiy ziyan hisablindiken.

Ziyang shehrining yézisida yashaydighan jang isimlik bir déhqan franisye agéntliqining muxbirigha, eger kisel bir choshqini yémey kömüwetsek, bu biz üchün nahayiti éghir iqtisadiy ziyan hisablinidu, dégen.

150 Kélo éghirliqidiki bir choshqini béqish üchün, yilda 1000 yüen pul kérek iken. Sichu'endiki déhqanlarning iqtisadiy weziyiti nachar bolghanliqi üchün, choshqilarni yem bolmighachqa, éship qalghan tamaqlarni bérip baqidiken. (Qanat)