Хитай йәр шари келиматиниң иссип кетишидин қаттиқ әндишә қилмақта


2006.12.27

Сәйшәнбә күни хитай һаварайи идариси вә хитай пән ‏-техника академийиси бирликтә ахбарат елан қилиш йиғини өткүзүп, мәзкур йиғинда, йәршари һава килиматиниң иссип кетиши хитайдики тәбиий апәт вә су мәнбәсиниң кәмчилликини кәлтүрүп чиқиридиғанлиқини, шуниң билән бир вақитта, хитайдики ашлиқ ишләпчиқириш мәһсулатиниң азийип кетидиғанлиқини көрситип, һөкүмәтниң бу хил һаләттин қаттиқ әндишә қиливатқанлиқини билдүрди.

Мутәхәссисләрниң билдүрүшичә, һава килимати түпәйлидин келип чиққан апәтниң башқа апәтләргә қариғанда, хитай иқтисадиға техиму зор зиян елип келидиғанлиқини билдүрмәктә.

Хитай һаварайи идарисиниң мәсули лу юң "хитай һазир ашлиқ ишләпчиқиришта зор хәтәргә дуч кәлмәктә. Чүнки һаварайиниң өзгириши хитайдики ашлиқ ишләпчиқириш ишлириға әң бивастә тәсир көрсәтмәктә. Бу хитайниң йеза игилик саһәсигә болған бир артуқчә бесим болди " дәп билдүрди.

Хитай пән -техника вақит гезитидә берилгән мәлуматта көрситилишичә, һава келиматиниң иссиши түпәйлидин, хитайда ишләпчиқирилидиған деһқанчилиқ мәһсулат түрлиридиму көп өзгиришләр болидикән. Һазирниң өзидә, йәни терилғу қанунийити вә мәһсулат түри өзгәрмигән шараитта, һаваниң иссип кетишиниң өзи ашлиқ ишләпчиқириш нисбитини 10% әтрапида төвәнлитиветидикән. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.