Xitay yer shari kélimatining issip kétishidin qattiq endishe qilmaqta


2006.12.27
Share on WhatsApp
Share on WhatsApp

Seyshenbe küni xitay hawarayi idarisi we xitay pen ‏-téxnika akadémiyisi birlikte axbarat élan qilish yighini ötküzüp, mezkur yighinda, yershari hawa kilimatining issip kétishi xitaydiki tebi'iy apet we su menbesining kemchillikini keltürüp chiqiridighanliqini, shuning bilen bir waqitta, xitaydiki ashliq ishlepchiqirish mehsulatining aziyip kétidighanliqini körsitip, hökümetning bu xil halettin qattiq endishe qiliwatqanliqini bildürdi.

Mutexessislerning bildürüshiche, hawa kilimati tüpeylidin kélip chiqqan apetning bashqa apetlerge qarighanda, xitay iqtisadigha téximu zor ziyan élip kélidighanliqini bildürmekte.

Xitay hawarayi idarisining mes'uli lu yung "xitay hazir ashliq ishlepchiqirishta zor xeterge duch kelmekte. Chünki hawarayining özgirishi xitaydiki ashliq ishlepchiqirish ishlirigha eng biwaste tesir körsetmekte. Bu xitayning yéza igilik sahesige bolghan bir artuqche bésim boldi " dep bildürdi.

Xitay pen -téxnika waqit gézitide bérilgen melumatta körsitilishiche, hawa kélimatining issishi tüpeylidin, xitayda ishlepchiqirilidighan déhqanchiliq mehsulat türliridimu köp özgirishler bolidiken. Hazirning özide, yeni térilghu qanuniyiti we mehsulat türi özgermigen shara'itta, hawaning issip kétishining özi ashliq ishlepchiqirish nisbitini 10% etrapida töwenlitiwétidiken. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.