Uyghur aptonom rayonida sheher bilen yézilar arisidiki kirim perqi chongaymaqta


2006.07.24

Uyghur aptonom rayonida " gherbni échish istratégiyisi" yolgha qoyulghan 6 yildin béri aptonom rayonning ishlepchiqirish omumi qimmiti izchil éship barghan bolsimu, lékin sheherler bilen yézilar arisidiki kirim perqi dawamliq kéngiyip mangghan.

Xitay metbu'atlirining xewer qilishiche, Uyghur aptonom rayonida 2005 - yili yéza - kentlerdiki ahalilarning kishi béshigha toghra kélidighan sap kirimi 2482 yüen bolghan bolsa, sheher - bazarlarda ahalilarning kishi béshigha toghra kélidighan sap kirimi 8100 yüendin toghra kelgen.

Sheher bazar ahaliliri bilen yéza - kent puqralirining kirim perqidiki chongiyish junggo hökümiti duch kéliwatqan we hel qilishta qiyinchiliqqa uchrawatqan memliket xaraktérlik zor mesile. Kompartiyining düshenbe küni chaqirilghan siyasiy byuro yighini, bu yil 10 ayda chaqirilidighan 16 - nöwetlik 6 - omumi yighinida bu mesilini nuqtiliq muzakire qilishni maqullighan.

Küzetküchilerning ilgiri sürüshiche, kirim perqining chongiyip kétishini keltürüp chiqarghan muhim amillarning biri pul tapidighan sahelerni menpe'et guruhliri manapol qiliwalghanliqtin iken. Xitay metbu'atliri Uyghur aptonom rayonining ishlepchiqirish omumi qimmiti 1999 - yildiki 116 milyard 900 milyon yüendin 2005 - yili 260 milyard 900 milyon yüen'ge yétip 5 yil ichide bir hesse köpeydi, dep tentene qilghan bolsimu, lékin bu kirim perqining kéngishini tosap qalalmighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.