خىتاي، ئامېرىكىنىڭ كىشىلىك ھوقۇق دوكلاتىدىكى ئەيىپلەشلەرنى رەت قىلدى


2005-03-29
Share

خىتاي ھۆكۈمىتى سەيشەنبە كۈنى بايانات ئېلان قىلىپ، ئامېرىكا تاشقى ئىشلار مىنىستىرلىقىنىڭ دۈشەنبە كۈنى ئېلان قىلغان كىشىلىك ھوقۇق دوكلاتىغا قەتئىي قارشى تۇرىدىغانلىقىنى بىلدۈردى.

ئامېرىكا تاشقى ئىشلار مىنسىتىرلىقى دۆلەتلەرنىڭ كىشىلىك ھوقۇق ۋە دېموكراتىيە ۋەزىيىتىنى ياخشىلاش ھەققىدە ئېلان قىلغان دوكلاتىدا، خىتايدا كىشىلىك ھوقۇق ۋەزىيىتىنىڭ يەنىلا ئىنتايىن ناچارلىقىنى كۆرسەتكەن ئىدى.

خىتاي تاشقى ئىشلار مىنسىتىرلىقىنىڭ باياناتچىسى ليۇ جەنچاۋ سەيشەنبە كۈنىدىكى باياناتىدا، ئامېرىكىنىڭ "يولسىزلارچە" خىتاينى ئەيىپلىگەنلىكىنى بىلدۈردى. ئۇ سۆزىدە " خىتاي كىشىلىك ھوقۇق مەسىلىسىنى ياخشىلاشتا زور ئىلگىرىلەشلەرنى قولغا كەلتۈردى. ئامېرىكىنىڭ بۇنداق دوكلات ئېلان قىلىشى، ئامېرىكا- خىتاي مۇناسىۋىتىنىڭ ياخشىلىنىشى ۋە كىشىلىك ھوقۇق دىئالوگى ئېلىپ بېرىش ئۈچۈن پايدىسىز" دېدى.

بۇنىڭ ئالدىدا، ئامېرىكا تاشقى ئىشلار مىنىستىرى كوندىلىزا رايىس ئامېرىكىنىڭ كىشىلىك ھوقۇق دوكلاتى ھەققىدە توختىلىپ، ئامېرىكىنىڭ باشقا دۆلەتلەر بىلەن بولغان مۇناسىۋىتى، مەزكۇر دۆلەتلەرنىڭ كىشىلىك ھوقۇققا ھۆرمەت قىلىش- قىلماسلىقى بىلەن بەلگىلىنىدىغانلىقىنى بىلدۈرگەن. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت