Хәлқара кәчүрүм тәшкилати: бейҗиң олимпик йиғини хитай кишилик һоқуқни яхшилаш үчүн бир пурсәт
2005.08.05
Хәлқара кәчүрүм тәшкилати җүмә күни баянат елан қилип, 2008 - йили өткүзүлидиған бейҗиң олимпик йиғини хитайда өлүм җазасини азайтиш вә сияси мәһбусларни қоюп беришни өз ичигә алған кишилик һоқуқни яхишилаш үчүн бир пурсәт, дәп көрсәтти.
Кәчүрүм тәшкилати хәлқара олимпик комитетини бейҗиң даирилириниң кишилик һоқуққа бузғунчилиқ қилиш һәркитидин биарам боливатқанлиқини елан қилишқа чақирди. Хәлқара кәчүрүм тәшкилатиниң әскәртишичә, хитайда кишилик һоқуқни яхшилаш тоғрисида хәлқара олимпик комитетиға хәт язған шәхсләр түрмигә ташланған шундақла миңлиған бейҗиңлиқ пуқралар олимпик йиғининиң тәйярлиқи сәвәбидин өйлиридин мәҗбури вә қанунсиз һалда көчүрүлгән.
Илгири хитай даирилири олимпик йиғини өткүзүш хитайда кишилик һоқуқни яхшилаш ролини ойнайду, дәп тәкитлигән иди. Хәлқара олимпик комитети уларниң арзусиға ортақлишидиғанлиқини билдүргән болсиму, әмма мәзкур органниң вәзиписи кишилик һоқуқни назарәт қилиш әмәс, дәп көрсәткән.
Хәлқара кәчүрүм тәшкилати баянатида, хитай даирилири олимпик йиғинини " риалистик вә әмәлий қәдәмләр" билән кишилик һоқуқ вәзийитини яхшилаш арқилиқ күтүвелиш керәк, дәп әскәртти. Кәчүрүм тәшкилатиниң тәкитлишичә, бу риалистик вә әмәлий қәдәмләр өлүм җазасини азайтиш, әдлийә системисини ислаһ қилиш, пуқраларниң ипадиләш вә йиғилиш әркинликигә йол қоюш, виҗдан мәһбусларни қоюп бериш қатарлиқларни өз ичигә алидикән. (Әркин)
Мунасивәтлик мақалилар
- Олимпик қурулушида йеридин айрилған деһқанлар намайиш қилғанлиқи үчүн тутқун қилинди
- Барросо: явропа иттипақи хитайни базар игиликидики дөләт, дәп етирап қилишқа тәйяр әмәс
- яврупа кометити, бейҗиңни сиясий ислаһат елип беришқа чақириди
- явропа иттипақи президенти хитайни сияси ислаһат елип беришқа чақирди
- Хәлқара кәчүрүм тәшкилати хитайниң 4 - июн мәһбуслирини қоюп беришкә чақирди