Xelq'ara kechürüm teshkilati: béyjing olimpik yighini xitay kishilik hoquqni yaxshilash üchün bir purset


2005.08.05

Xelq'ara kechürüm teshkilati jüme küni bayanat élan qilip, 2008 - yili ötküzülidighan béyjing olimpik yighini xitayda ölüm jazasini azaytish we siyasi mehbuslarni qoyup bérishni öz ichige alghan kishilik hoquqni yaxishilash üchün bir purset, dep körsetti.

Kechürüm teshkilati xelq'ara olimpik komitétini béyjing da'irilirining kishilik hoquqqa buzghunchiliq qilish herkitidin bi'aram boliwatqanliqini élan qilishqa chaqirdi. Xelq'ara kechürüm teshkilatining eskertishiche, xitayda kishilik hoquqni yaxshilash toghrisida xelq'ara olimpik komitétigha xet yazghan shexsler türmige tashlan'ghan shundaqla minglighan béyjingliq puqralar olimpik yighinining teyyarliqi sewebidin öyliridin mejburi we qanunsiz halda köchürülgen.

Ilgiri xitay da'iriliri olimpik yighini ötküzüsh xitayda kishilik hoquqni yaxshilash rolini oynaydu, dep tekitligen idi. Xelq'ara olimpik komitéti ularning arzusigha ortaqlishidighanliqini bildürgen bolsimu, emma mezkur organning wezipisi kishilik hoquqni nazaret qilish emes, dep körsetken.

Xelq'ara kechürüm teshkilati bayanatida, xitay da'iriliri olimpik yighinini " ri'alistik we emeliy qedemler" bilen kishilik hoquq weziyitini yaxshilash arqiliq kütüwélish kérek, dep eskertti. Kechürüm teshkilatining tekitlishiche, bu ri'alistik we emeliy qedemler ölüm jazasini azaytish, edliye sistémisini islah qilish, puqralarning ipadilesh we yighilish erkinlikige yol qoyush, wijdan mehbuslarni qoyup bérish qatarliqlarni öz ichige alidiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.